ბორჯომის გამგეობა სააღდგომოდ 404 ოჯახს დაეხმარა

1ტომარა ფქვილი, 5 კგ შაქარი, 5 კგ წიწიბურა, 5 კგ მაკარონი, 5 ლიტრი ზეთი, 2 ქათამი, 2 პასკა, 30 კვერცხი, 2 ცალი ხორცის კონსერვი მუნიციპალიტეტის მასშტაბით სოციალურად დაუცველ ოჯახებს კატეგორიების მიხედვით დაურიგდათ.

100 ლარიანი პროდუქტების ნაკრები მრავალშვილიანმა დედებმა, დიდ სამამულო ომში მარჩენალდაკარგულთა ოჯახებმა, დედ-მამით ობოლმა ბავშვებმა, 18 წლამდე ასაკის შშმ პირებმა, დიდი სამამულო ომის ვეტერანებმა და მათთან გათანაბრებულმა 54 პირმა, საქართველოს მთლიანობისათვის ომის ინვალიდებმა და მარტოხელა დედებმა მიიღეს.

როგორც, ბორჯომის მუნიციპალიტეტის გამგებელმა დიმიტრი ყიფიანმა განაცხადა, ადგილობრივი მუნიციპალიტეტის გადაწყვეტილებით, „დიდ სამამულო ომის მონაწილეებთან გათანაბრებული პირებისა“ და „ომში მარჩენალდაღუპულთა ოჯახების“ კატეგორიები სოციალურ პროგრამას წელს დაემატა, რის გამოც, მუნიციპალიტეტი გაცილებით მეტ ოჯახს უწევს დამხარებას.

[sknews.ge]