ბორჯომის გამგეობა 187 მოქალაქეს საახალწლო საჩუქარს გადასცემს

გამგეობის საჩუქარს მრავალშვილიანი დედები, უდედ-მამო ბავშვები, საქართველოს ტერიტორიული მთლიანობისთვის ომში დაღუპულთა ოჯახები, სამამულო ომის ვეტერანები და 16 წლამდე ასაკის შეზღუდული შესაძლებლობების მქონე ბავშვები მიიღებეენ. საჩუქრების შესაძენად ადგილობრივი ბიუჯეტიდან 18 700 ლარი გამოიყო.

„სასაჩუქრე პაკეტში შედის აუცილებელი მოხმარების პროდუქტები: ზეთი, შაქარი და ერთი ტომარა ფქვილი, ასევე, სასაჩუქრე პაკეტშია შუშხუნა ღვინო, ტკბილეული, ჩურჩხელები, შედედებული რძე და ნამცხვრები“, - ამბობს სოციალური დაცვის სამსახურის უფროსი მანანა ორჯონიკიძე.

[თამარ თოთაძე, ახალციხე]