გაჭიანურებული პროცესი

სასამართლო მოწმის, ციალა ასლანიანის გამოუცხადებლობის გამო გადაიდო. სწორედ მისი გამოუცხადებლობა გახდა მიზეზი 5 სექტემბერს სხდომის გადადებისაც. მაშიანაც და დღესაც, ბრალდების მხარემ ასლანიანის გამოუცხადებლობა მისი ავადმყოფობით ახსნა.

რადგან დაცვის მხარე ასცხადებს რომ ბრალდების მხარის მტკიცებულებები საეჭვოა, სასამართლომ ასლანიანის დაკითხვა პროცესზე აუცილებლობად მიიჩნია და სხდომა ორი კვირით ისევ გადადო. ასლანიანის გარდა ყველა მოწმე დაკითხულია.

მხჩიანის ადვოკატი გიორგი ჯვარიძე მიიჩნევს, რომ პროცესი შეგნებულად ჭიანურდება, სწორედ ამიტომ არ მოჰყავთ მოწმეც: ”შეთანხმებებს აგვარებენ თუ როგორ უნდა მოიქცნენ, ან კიდევ სხვა ჩანაფიქრი აქვთ”.

ადვოკატი ფიქორბს, რომ შესაძლებელია არტაშეს ჩახმხჩიანთან გააფორმონ საპროცესო შეთანხმება ბრალზე, ანუ არტაშეს ჩახმახჩიანი ცნონ დამნაშავედ (ბრალის თანახმად არტაშეს ჩახმახჩიანმა თამარ მეფის #25-ში მდებარე სადაო შენობა, გეორგ მხჩიანს გადაუფორმა და ეს გააკეთა შენობის რეალური მეპატრონის მელიქ რაისიანის თხოვნით) რაც უკვე მტკიცებულება და საფუძველი გახდება იმისა, რომ გამომტყუნებელი განაჩენი გამოიტანონ გეორგ მხჩიანის მიმართ.

ახალქალაქში ”ქართული ოცნების” წევრი არმენ ფარმანიანიც ფიქორბს, რომ პროცესი შეგნებულად ჭიანურდება. მისი განცხადებით სამსართლო გადაწყვეტილებას არჩევნების შემდეგ გამოიტანს.

იგივეს ამბობს ახალქალაქში კოალიცია ”ქართული ცონების” შტაბის უფროს გიორიგ ჟვანიაც: ”აშკარაა, რომ გამოძიება და სასამართო პროცესს აჭიანურებს, რადგანაც ცალსახად ნათელია, რომ ეს ადამიანი არის აბსოლიტურად უდნაშაულო. როგორც ჩანს პროკურატურასაც და სასამართლოსაც უჭირს დანაშაულებრივი გადაწყვეტილების მიღება”.

”ქართული ოცნების” წარმომადგენლები აცხადებენ რომ სასამართლო გადაწყვეტილებას არჩევნების შემდეგ გამოიტანს, გადაწყვეტილება კი არჩევნების შედეგების მიხედვით მიიღება.

პროცესი 25 სექტემბერს 13:00-ზე ჩაინიშნა.

მხჩიანს ბრალი სისხლის სამართლის კოდექსის 210-ე მუხლის მეორე ნაწილის ა პუნქტით აქვს წაყენებული, რაც უფლების დამდგენი დოკუმენტის გაყალბებას გულისხმობს.

[თამუნა უჩიძე,ახალციხე]