ასპინძის ბაღებში სასწავლო პროცესი შეწყდა

დაბა ასპინძაში ორი საბავშვო ბაღია სადაც ჯამში 200–მდე აღსაზრდელი სწავლობს. ორივე ბაღში სწავლა დღეიდან, 11 თებერვლიდან გაურკვეველი დროით შეჩერდა.

მეორე საბავშვო ბაღის მენეჯერი მაია სანდოძე განმარტავს, რომ სასწავლო პროცესის შეჩერების შესახებ ინფორმაცია მშობლებს რამდენიმე დღის წინ ჰქონდათ.

„სწავლის შეჩერების მიზეზი გახდა ის, რომ ვერ მოვასწარით ტენდერის დადება. ბაღების გაერთიანების შესყიდვების მენეჯერმა თანამდებობა შეიცვალა და გადავიდა სხვა სამსახურში. ახალი ხელმძღვანელი დანიშნულია, უბრალოდ რეესტრში დაგვიანდა მისი დარეგისტრირება. კვირის ბოლოს ალბათ დაიდება ტენდერი“, – ამბობს მეორე საბავშვო ბაღის ხელმძღვანელი მაია სანდოძე.

„სამხრეთის კარიბჭე“ მუშაობს ამ თემაზე და დეტალებს მოგვიანებით მოგაწვდით.

[თინათინ ზაზაძე, ასპინძა]