'სამხრეთის კარიბჭემ' ათი წლის იუბილე იზეიმა

გაზეთმა იუბილე ახალციხის ციხეში, ბარ "Golden Time"-ში, მკითხველებთან, რესპონდენტებთან, დონორი ორგანიზაციების წარმომადგენლებთან და იმ ადამიანებთან ერთად აღნიშნა, ვინც ამ 10 წლის განმავლობაში "სამხრეთის კარიბჭეში" მუშაობდა.
იუბილეს ფურშეტი პროფესიული კოლეჯის "ოპიზარის" კულინარებმა მოამზადეს.

როგორი იყო გაზეთი 2004 წელს, როგორ განვითარდა 10 წლის განმავლობაში და როგორ მუშაობენ „სამხრეთის კარიბჭეს“ ჟურნალისტები – მკითხველებისა და რესპონდენტებისთვის რედაქციის არქივში დაცული შიდა სამაზარეულოს 200–მდე ფოტო ერთ ამბად გაერთიანდა.

2–საათიან საღამოზე მკითხველები და რესპონდენტები საუბრობდნენ რას ნიშნავს მათთვის „სამხრეთის კარიბჭე.

რედაქციამ სტუმრებს სახალისო გათამაშებაც შესთავაზა: „მე გისურვებთ რომ...“, „რამდენჯერ გაგაფრთხილეთ, რომ...“, „დაახასიათეთ ერთი სიტყვით „სამხრეთის კარიბჭეს“ ყველა თანამშრომელი...“, „რომ არა „სამხრეთის კარიბჭე...“, „როგორი წარმოგიდგენიათ „სამხრეთის კარიბჭე“ ხუთი წლის შემდეგ...“, „რომელია „სამხრეთის კარიბჭეს“ ყველაზე ენამწარე ჟურნალისტი...“, რომელია ‘სამხრეთის კარიბჭეს“ ყველაზე პრეტენზიული ჟურნალისტი, წლის ფრაზა „სამხრეთის კარიბჭედან“, „თქვენ რომ „სამხრეთის კარიბჭეს“ ჟურნალისტი იყოთ, რაზე დაწერდით სტატიას – ამ და მსაგავსი სურვილებით სავსე კალათიდან სტუმრები თითო სურვილს ირჩევდნენ და გულწრფელად პასუხობდნენ.

საღამო საზეიმო ტორტითა და თანამშრომლების happy birthday-თ დასრულდა.

"სამხრეთის კარიბჭე" 2004 წელს, ომისა და მშვიდობის განვითარების ინსტიტუტმა დაარსა. ქართულ–სომხური გაზეთის დაარსების იდეა იყო ის, რომ ეს გაზეთი უნდა ყოფილიყო ერთგვარი ხიდი რეგიონის ქართველი და სომეხი ეროვნების მოქალაქეებს შორის.
2012 წლიდან გაზეთის ბაზაზე ამავე სახელწოდების საინფორმაციო სააგენტო Sknews.ge დაარსდა. 2014 წლის იანვრიდან, ფინანსური პრობლემების გამო, გაზეთის სომხური ნაწილის გამოცემა დროებით შეჩერებულია.

[sknews.ge]