ვარძიაში ირაკლი ღარიბაშვილს ელოდებიან

პრემიერი ვარძიის კომპლექსს 16:30 საათზე ესტუმრება. 19:00 საათზე კი განათებული ვარძიის ფონზე პრემიერის პირდაპირი ჩართვაა დაგეგმილი.

ვარძიაში სარეაბილიტაციო სამუშაოები სახელმწიფო პროგრამის ფარგლებში დაიწყო. მიმდინარეობს ვარძიის დაშლის პირას მყოფი კლდის სტრუქტურის სეისმო–ტომოგრაფიული და გეოფიზიკური კვლევა, წყალამრიდი სისტემის რეაბილიტაცია–მშენებლობა და ტურისტული ინფრასტრუქტრის მოწყობა. ვარძიაში დამონტაჟდა განათების სისტემაც, რომლის შედეგად, ტურისტებისა და მომლოცველებისთვის ვარძიის მონახულება ღამის საათებშიც შესაძლებელი გახდა.

პროგრამის განსახორცილებელად გაერთიანებულია ქვეყნის სამეცნიერო და საერთაშორისო ინსტიტუტები, რომელსაც იუნესკოს ექსპერტი კულტურული მემკვიდრეობის სფეროში, საინჟინრო–გეოლოგიური მეცნიერებების დოქტორი, მეწყერების საერთაშორიოს კონსორციუმის ვიცე პრეზიდენტი, კლაუდიო მარკოტინი ხელმძღვანელობს.

პროექტის განხორციელების გადაუდებული ეტაპისთვის ნახევარ მილიონ ლარზე მეტია გამოყოფილი.

[თამუნა უჩიძე, ნინო ნარიმანიშვილი, ასპინძა]