დავით გამყრელიძემ ნინოწმინდაში მაჟორიტარი კანდიდატი წარადგინა

პარტიის ლიდერმა ამომრჩევლებს პარტიის პრიორიტეტები გააცნო.

მისი განცხადებით, ნინოწმინდის მუნიციპალიტეტისთვის განსაკუთრებით მნიშვნელოვანია სოფლის მეურნეობა და მასთან დაკავშირებული პრობლემები.

”აქაური მიწები გამორჩეულად ნოყიერია და კარგ მოსავალს იძლევა. მაგრამ იმდენად ჭირს სასოფლო–სამეურნეო სამუშაოების ყველა ციკლის ჩატარება საწვავისა და ტექნიკის სიძვირის გამო, რომ მოსახლეობა ხანდახან ხელსაც იღებს მიწის დამუშავებაზე”,- განაცხადა გამყრელიძემ.

მისივე განცხადებით, ნინოწმინდელებს სარწყავი წყლისა და მოსავლის რეალიზაციის პრობლემაც აქვთ.

შეხვედრაზე დავით გამყრელიძემ ნინოწმინდელებს მაჟორიტარი დეპუტატობის კანდიდატი, ნინოწმინდის მკვიდრი მარტინ მღდესიანიც წარუდგინა.