ონლაინ სივრცეში ქალთა მიმართ ძალადობის საკითხებზე ახალციხეში შეხვედრა გაიმართება

თემაზე #შენიუსაფრთხოებისთვის #ForYourSafety ტრენინგი/საინფორმაციო შეხვედრა 13 ივლისს, ახალციხის ზრდასრულთა განათლების ცენტრში 12:00 საათზე დაიწყება.

შეხვედრა სამოქალაქო ინიციატივების ასოციაციის (CIA) ორგანიზებითა და ქალთა ფონდის ფინანსური მხარდაჭერით გაიმართება და იგი ოთხი საათის განმავლობაში გაგრძელდება.

პროექტის მიზანია ონლაინ სივრცეში ქალთა მიმართ ძალადობის/მუქარის საკითხებზე საზოგადოების ინფორმირება და ცნობიერების ამაღლება, პრევენცია, რეაგირება და ძალადობის მსხვერპლთა დაცვისათვის სათანადო მექანიზმების მხარადაჭერა.

ღონისძიების ფარგლებში განიხილება შემდეგი საკითხები:

Ø კიბერ ჰიგიენა, პერსონალური მონაცემები და მათი დაცვა ონლაინ სივრცეში;
Ø ქალთა მიმართ განხორციელებული კიბერ ბულინგი;
Ø სამართლებრივი ასპექტები;
Ø კიბერ სოლიდარობა;

ტრენინგში მონაწილეობის მიღება შეუძლია სამცხე-ჯავახეთის მასშტაბით მცხოვრებ საკითხით დაინტერესებულ 15-35 წლის ნებისმიერ პირს.
დაინტერესების შემთხვევაში საჭიროა სპეციალური ონლაინ ფორმის შევსება, არაუგვიანეს 12 ივლისისა.

დასწრება თავისუფალია.

[თაკო ფეიქრიშვლი, ახალციხე]