დასუფთავების აქციას ბორჯომშიც შეუერთდნენ

დღეს დასუფთავების აქცია მთელი საქართველოს მასშტაბით მიმდინარეობს. ბორჯომის მუნიციპალიტეტის გამგეობის თანამშრომლებს დასუფთავებაში ქალაქის კეთილმოწყობის სამსახური ეხმარება.

„სამწუხაროდ, არჩევნების შემდეგ დარჩა პლაკატებისგან იერსახეშეცვლილი ბორჯომი. გამგეობის წარმომადგენლებმა ერთობლივად დავასუფთავეთ ქალაქი. დღეს ყველანი ერთად შევიკრიბეთ. ვფიქრობთ, დღის ბოლომდე ქალაქის იერსახე შეიცვლება“, - ამბობს ბორჯომის მუნიციპალიტეტის გამგებელი დიმიტრი ყიფიანი.

მისივე თქმით, მსგავსი ტიპის აქციები მომავალშიც გაგრძელდება.

[sknews.ge]