საერთაშორისო სამეცნიერო კონფერენცია

კონფერენციაზე, რომელიც უნივერსიტეტის მეორე კორპუსის საკონფერენციო დარბაზში გაიხსნა, 17 ქვეყნის ოცდაათამდე მეცნიერმა 250 მოხსენება წარადგინა.

”ჩვენ ვატარებთ ტრადიციულ, საერთაშორისო მეთხუთმეტე კონფერენციას, რომელშიც წამყვანი მეცნიერები მონაწილეობენ. ეს ძალიან მნიშვნელოვანი ფორუმია სამხრეთ კავკასიისთვის”, - აცხადებს ეროვნული მუზეუმის დირექტორი დავით ლორთქიფანიძე.

მსგავსი კონფერენცია უკვე გაიმართა 15 ქვეყანაში, სადაც, ჯამში,
არქეოლოგიის, ეთნოლოგიისა და ფოლკლორისტიკის მეცნიერებმა 2700 მოხსენება წაიკითხეს.

კონფერენციაში მონაწილეობენ დასავლეთის ქვეყნები: პოლონეთი, გერმანია, საფრანგეთი, ლიტვა, ისრაელი, აშშ, რუსეთი და ასევე ჩრდილოეთ და სამხრეთ კავკასიის ქვეყნები.

”როგორც ერთ-ერთი ორგანიზატორი, მოხარული ვარ, რომ ეს შეხვედრა საქართველოში შედგა. კავკასია ჩვენი საერთო სახლია და მას ყველა უნდა გავუფრთხილდეთ”, - განაცხადა კავკასიის ფონდის ხელმძღვანელმა გივი ღამბაშიძემ.

კონფერენციის დასრულების შემდეგ, მესხეთის სახელმწიფო დრამატულ თეატრში, ფორუმის მონაწილეთა საპატივსაცემოდ, კონცერტი გაიმართა.

სამეცნიერო კონფერენცია ხუთი დღის განმავლობაში გაგრძელდება. ფორუმის მონაწილეთათვის დაგეგმილია ექსკურისებიც. მონაწილეები რეგიონის ისტორიულ ძეგლებს მოინახულებენ.

[თინათინ ზაზაძე, ახალციხე]