'ახალციხელობის' ტრადიცია არც წელს დაირღვა

ახალციხის ციხის ამფითეატრში მიმდინარე საზეიმო კონცერტს სასულიერო პირები, სამხარეო ადმინისტრაციისა და ადგილობრივი ხელისუფლების წარმომადგენლები ესწრებიან. ციხეში იმყოფება ახალციხის მერი გიორგი კოპაძეც.

ადგილობრივი ანსამბლების შემდეგ, კონცერტი თემურ ყვითელაშვილის, თბილისის მერიის ბიგ-ბენდისა და ცნობილი ქართველი მომღერლების (ბორის ბედია,მარიკო ებრალიძე,მაია ბარათაშვილი, თაკო გაჩეჩილაძე, ალეკო ბერძენიშვილი, მარიამ პავლიაშვილი,გიორგი სუხიტაშვილი,ზაურ შავგულიძე) მონაწილეობით გაგრძელდება.

დღესვე აირჩევენ ახალციხის საპატიო მოქალაქეებს და გაუხსნიან ვარსკვლავს ანსამბლ „მესხეთს“.

[მანანა სარაშვილი, ახალციხე]