ახალციხის ციხეზე ადგილობრივი ანსამბლები კონცერტს მართავენ

ხალხური რეწვის ნიმუშების გამოფენა–გაყიდვის შემდეგ, ახალციხის ციხის ტერიტორიაზე კონცერტი დაიწყო. მასში მონაწილეობას იღებს ფოლკლორული ანსამბლი "მესხეთი", ხელოვნების სტუდია "პალიტრა", ქორეოგრაფიული ანსამბლები "მესხეთი", "ახალციხე" და "მესხი ფრთოსანი", სტუდია "სიხარული", მუსიკალური სასწავლებელი, "სომხური ახალგაზრდული ცენტრი", "შავლეგო" და "საგალობელი".

ახალციხის ციხეზე იმყოფებიან ქალაქ ახალციხის მერი გიორგი კოპაძე, სამცხე–ჯავახეთის გუბერნატორის მოადგილე ავთანდილ კაჭკაჭაშვილი, ახალციხის მუნიციპალიტეტის გამგებელი ზაზა მელიქიძე და ადგილობრივი თვითმმართველობის წარმომადგენლები.


ადგილობრივი ანსამბლების კონცერტის დასრულების შემდეგ ახალციხის ციხის ტერიტორიაზე გალა კონცერტი გაიმართება, სადაც მონაწილეობას მიიღებენ კახაბერი და ხანუმები, ჯემალ სეფიაშვილი, ცისანა სეფიაშვილი, ბორის ბედია, ბესიკ კალანდაძე, ირმა სოხაძე, ენრიკო ჯანელიძე და ჯგუფი – „თბილისური კვარტეტი“.

[თამარ თოთაძე, ახალციხე]