საბაჟო წესების დარღვევის ფაქტები ვალეს საბაჟოზე

ცეცხლსასროლი იარაღი ერთი მჭიდით და ხუთი ვაზნით აღმოაჩინეს შემოსავლების სამსახურის თანამშრომლებმა 29 ივნისს საბაჟო გამშვები პუნქტის, „ვალეს“, ტერიტორიაზე, თურქეთის მოქალაქე ა.დ.-ის კუთვნილი ავტომანქანის დათვალიერებისას.

იმავე დღეს სგპ „ვალეს“ მებაჟე ოფიცრებმა 9 აბი ფსიქოტროპული ნივთიერების შემცველი მედიკამენტი CIRRUS იპოვეს თურქეთის მოქალაქე მ.ს.-ის კუთვნილ ავტომანქანაში, ხოლო ავსტრალიის მოქალაქე დ.პ.-ს დათვალიერებისას ნარკოტიკული ნივთიერების შემცველი მედიკამენტები NUROFEN PLUS - 8 აბი და TRUST IBUPROFEN PLUS CODEINE - 10 აბი აღმოაჩინეს.

სამივე საქმე შემდგომი რიაგირებისთვის გადაეცა შსს საპატრულო პოლიციის სამცხე-ჯავახეთის მთავარი სამმართველოს საგამოძიებო განყოფილებას.

[sknews.ge]