ახალქალაქის N1 უბანზე განმეორებითი კენჭისყრა დაინიშნა

ცენტრალური საარჩევნო კომისიის გადაწყვეტილებით, ადგილობრივი თვითმმართველობის წარმომადგენლობითი ორგანოების – საკრებულოების 2014 წლის 15 ივნისის არჩევნების განმეორებითი კენჭისყრა 29 ივნისს, 14 საარჩევნო უბანზე გაიმართება, მათ შორის ახალქალაქის N1 უბანზე.

არჩევნების განმეორებითი კენჭისყრა შემდეგ საარჩევნო უბნებში გაიმართება:
№22 მარნეულის საარჩევნო ოლქის - №25 და №57 საარჩევნო უბნები;
№26 თეთრიწყაროს საარჩევნო ოლქის - №5 საარჩევნო უბანი;
№28 დუშეთის საარჩევნო ოლქის - №4, №6, №47 და №52 საარჩევნო უბნები;
№40 ახალქალაქის საარჩევნო ოლქის - №1 საარჩევნო უბანი;
№55 ხონის საარჩევნო ოლქის - №22 საარჩევნო უბანი;
№57 ტყიბულის საარჩევნო ოლქის - №2 და №5 საარჩევნო უბნები;
№67 ზუგდიდის საარჩევნო ოლქის - №32 საარჩევნო უბანი;
№79 ბათუმის საარჩევნო ოლქის - №103 საარჩევნო უბანი;
№81 ქობულეთის საარჩევნო ოლქის - №34 საარჩევნო უბანი.

შეგახსენებთ, ახალქალაქის N1 უბანზე შედეგების გაუქმებას „მრავალეროვანი საქართველო“ და „არასაპარლამენტო ოპოზიცია“ ითხოვდნენ. N40 ახალქალაქის საოლქო კომისიამ უბნის შედეგები ხელახლა გადათვალა და განაცხდა, რომ მნიშვნელოვანი დარღვევები არ გამოიკვეთა. ამის შემდეგ, „არასაპარლამენტო ოპოზოციამ“ სარჩელით ახალქალაქის რაიონულ სასამართლოს მიმართა. ახალქალაქის რაიონული სასამართლოს 23 ივნისის გადაწყვეტილებით, N40-ე ახალქალაქის საარჩევნო ოლქის N1 უბანზე კენჭისყრის შედეგები გაბათილდა, ჯამში 525 ხმა.

[sknews.ge]