როგორ დაკომპლექტდება ბორჯომის მუნიციპალიტეტის საკრებულო

ბორჯომის მუნიციპალიტეტის 2014 წლის მოწვევის საკრებულოში მაჟორიტარი დეპუტატები მხოლოდ „ქართული ოცნებიდან“ და საინიციატივო ჯგუფებიდან იქნებიან. რაც შეეხება პარტიული სიით გასულ დეპუტატებს, ადგილობრივი თვითმმართველობის არჩევნებში ბორჯომში ბარიერი ხუთმა პოლიტიკურმა პარტიამ გადალახა.

საკრებულოში ბლოკ „ქართული ოცნებას“ 17 დეპუტატი ეყოლება: 9 მაჟორიტარი, 8 პროპორციული სიით. 2 მაჟორიტარი დეპუტატი ეყოლება საინიციატივო ჯგუფებს.

დანარჩენ ოთხ პარტიას კი მხოლოდ პროპორციული სიით გამარჯვებული დეპუტატები ეყოლებათ საკრებულოში.

„ნინო ბურჯანაძე – ერთიანი ოპოზიციას“ – 2 დეპუტატი;
„დავით თარხან მოურავი – საქართველოს პარიოტთა ალიანსს“ – 2;
„შალვა ნათელაშვილი – საქართველოს ლეიბორისტული პარტიას“– 1;
ბლოკ „ერთიან ნაციონალური მოძრაობას“ – 2;

„ქართული ოცნებიდან“ ბორჯომის საკრებულოში შემდეგი მაჟორიტარი დეპუტატები შევლენ: ქალაქი ბორჯომი – ზაზა ჩაჩანიძე, ახალდაბა – გოჩა ბლიაძე, ბაკურიანი – ზურაბ კურტანიძე, ბალანთა – არაიკ ანტონიან, დვირი – ელიზავეტა კუჭუხიძე, ტაძრისი – გიორგი ფერაძე, ყვიბისი – ლევან ბლიაძე ;

საინიციატივო ჯგუფებიდან: ტაბაწყურში – ანდრუშ ირიციან, ციხისჯვარში – თეოდორე ილიევი;

სასამართლო დავაა წაღვერისა და ტბის თემებში.

[თინათინ ზაზაძე, ბორჯომი]