მანდატები ადიგენის, ასპინძისა და ნინოწმინდის საკრებულოებში

N39 ასპინძის საოლქო საარჩევნო კომისიის ინფორმაციით, წინასწარი მონაცემების მიხედვით, ასპინძის მუნიციპალიტეტის საკრებულოში პროპორციული სიით 2 დეპუტატს „ევროპული საქართველო“ შეიყვანს, 1 – „ნაციონალური მოძრაობა“, 2 – „პატრიოტთა ალიანსი“, 10 – „ქართული ოცნება“.

სულ ასპინძის საკრებულოში 27 დეპუტატი იქნება. აქ 12–ვე მაჟორიტარულ ოლქში მმართველი პარტიის მაჟორიტარმა გაიმარჯვა.

ადიგენში, ასევე საოლქო საარჩევნო ადმინისტრაციის ინფორმაციით, წინასწარი მონაცემების მიხედვით „ევროპულ საქართველოს“ 3 მანდატი ერგო, „ნაციონალური მოძრაობას“ – 1, „პატრიოტთა ალიანსს“ – 1, „ქართულ ოცნებას“ კი 9;

ადიგენის საკრებულოს 30–კაციანი შემადგენლობიდან ყველა მაჟორიტარი გარდა ორისა „ქართული ოცნებიდან“ იქნება. ორი მაჟრიტარი კი საკრებულოში „ევროპულ საქართველოს“ ეყოლება.

რაც შეეხება ნინოწმინდას, აქ პროპორციული სიით 13 მანდატი „ქართულ ოცნებას“, 1– "პატრიოტთა ალიანსს", 1 კი „ევროპულ საქართველოს“ ერგო. ნინოწმინდის საკრებულოში მაჟორიტარი დეპუტატი ყველა „ოცნებიდან“ იქნება.

[sknews.ge]