„არჩევანის თავისუფლებისთვის“ახალციხეში შეხვედრას გამართავს

შეხვედრა 14:00 საათზე, ახალციხის დემოკრატიული ჩართულობის ცენტრში შედგება.

შეხვედრის მიზანია, საზოგადოებამ მიიღოს მეტი ინფორმაცია კამპანიის - „ეს შენ გეხება“, მისი მიზნებისა და სამოქმედო გეგმის შესახებ.

აგრეთვე, საარჩევნო გარემოსთან დაკავშირებულ პრობლემებსა და მისი გაჯანსაღებისთვის აუცილებელი ღონისძიებების თაობაზე.

შეხვედრაზე ყურადღება გამახვილდება ე.წ. must carry-ისა და must offer-ის პრინციპების კანონმდებლობაში ასახვის საკითხებზე, კანონში შეტანილი ცვლილებების დადებით და უარყოფით მხარეებზე. აგრეთვე, პოლიტიკური პარტიების ქცევის კოდექსზე საარჩევნო პერიოდში.

შეხვედრას დაესწრებიან კოალიციის „არჩევნის თავისუფლებისთვის“ წევრები: ექსპერტი საარჩევნო საკითხებში ირაკლი მელაშვილი, სამოქალაქო კულტურის საერთაშორისო ცენტრის გამგეობის თავმჯდომარე კოტე კანდელაკი, სამოქალაქო განათლების რესურს-ცენტრის გამგეობის წევრი მურმან პატარაია, საქართველოს მედია კლუბის თავმჯდომარე მაგდა პოპიაშვილი.

[ნინო ნარიმანიშვილი, ახალციხე]