ახალციხეში 69 წლის ქალმა თავი ჩამოიხრჩო

გარდაცვლილი სადარბაზოში მუშებმა ნახეს, რომლებიც ამავე კორპუსთან მაღაზიას არემონტებენ.

„დილის 9 საათი იქნებოდა მე და ჩემი შვილი ტანსაცმელის გამოსაცვლელად შევედით კორპუსში და დავინახეთ თოკზე ჩამოკიდებული, მაშინვე სასწრაფო დახმარების სამსახურში დავრეკეთ“,–ამბობს ერთ–ერთი მუშა.

მისივე თქმით გარდაცვლილი ხშირად ამბობდა, რომ ნერვული აშლილობა ჰქონდა: „როცა მოვიკითხავდი მეუბნებოდა, როგორ ვიქნები ნევროზის პატრონიო“.

შემთხვევის ადგილზე მობილიზებული იყვნენ სამართალდამცავებიც. საქმეს შსს სამცხე–ჯავახეთის სამხარეო მთავარი სამმართველო სისხლის სამართლის კოდექსის 115-ე მუხლით იძიებს, რაც თვითმკვლელობამდე მიყვანას გულისხმობს.

გარდაცვლილი მარტო ცხოვრობდა. მას ერთი შვილი ჰყავს, რომელიც ოჯახთან ერთად თურქეთში ცხოვრობს.

გარდაცვლილი გადაყვანილია ახალციხის პროზექტურაში.


[მანანა სარაშვილი, ახალციხე]