ახალციხეში 20 წლის ახალგაზრდამ თავი ჩამოიხრჩო

შემთხვევა 31 იანვარს მოხდა. გარდაცვლილი ნათესავებმა მესხეთის ქუჩაზე, საკუთარი სახლის სარდაფში, ძირს დაგდებული, დაახლოებით 19:00 საათისთვის იპოვეს. მეზობლების ვარაუდით, თოკი გაწყდა და გარდაცვლილი ძირს დაეცა.

„მშობლები რუსეთში ყავს,ხან მამიდასთან ცხოვრობდა, ხან ბებიასთან. როგორც ვიცი, ტელეფონზე ურეკავდნენ და რომ არ უპასუხა, ძებნა დაუწყეს. 31 იანვარს საღამოს ქალები კივილით მოვიდნენ, ჩავიდნენ „პადვალში“ და გარდაცვლილი ნახეს. აქ არც კი მეგონა, ამბობდა მშობლებთან უნდა წავიდე რუსეთშიო“, – ამბობს მეზობელი გრიშა ბაგდასარიანი.

მისივე თქმით, გარდავლილი მშვიდი პიროვნება იყო და კონფლიქტი არავისთან ჰქონდა.

შემთხვევის ადგილზე მობილიზებული იყო საპატრულო პოლიცია და სასწრაფო სამედიცინო დახმარების ბრიგადა. იმავე საღამოს გარდაცვლილი ა.ტ ბებიის ოჯახში გადაასვენეს.

როგორც შინაგან საქმეთა სამინისტროში აცხადებენ, აღნიშნულ ფაქტთან დაკავშირებით, სამცხე-ჯავახეთის სამხარეო მთავარ სამმართველოში გამოძიება 115-ე მუხლით მიმდინარეობს.


[თინათინ ზაზაძე, ახალციხე]