ახალციხეში გარდაცვლილი კაცი უდეში გადაასვენეს

როგორც გარდაცვლილის ახლობლები ამბობენ, ჯ.ბ წარმოშობით უდიდან არის, თუმცა წლების განმავლობაში ის ახალციხეში ცხოვრობდა.

„სამი შვილი ჰყავს, თუმცა მათთან არ ცხოვრობდა“–ამბობს გადაცვლილის მეზობელი.

გრდაცვლილის ძმიშვილი ამბობს, რომ ბიძა ბოლოს ერთი წლის წინ ნახა.

„ერთი წელია არ მინახავს, თავის სახლი მეუღლეს დაუტოვა, რომელსაც გაშორებულია, მეორე მეუღლის გარდაცვალების შემდეგ ხან სად ცხოვრობდა ხან სად . ხშირად ვერ ვპოულობდით“.

ახლობლები ამბობენ, რომ სახლი, სადაც გარდაცვლილი ნახეს მას არ ეკუთვნოდა.

59 წლის კაცი ახალციხეში, მანველიშვილის ქუჩაზე გარდაცვლილი დღეს, სამ თებერვალს ნახეს.

ექსპერტის განცხადებით, ჯ.ბ ერთ კვირაზე მეტია რაც გარდაიცვალა: „ყველა ორგანოზე პრობლემა ჰქონდა, გადატანილი აქვს ინფარქტი და ფილტვებზე ანთება ჰქონდა“.

შსს–მ გამოძიება სისხლის სამართლის კოდექსის 115–ე მუხლით დაიწყო, რაც თვითმკვლელობამდე მიყვანას გულისხმობს.



[ნუკა სტეფნაძე, რიმა სარუხანიან, ახალციხე]