როგორ გადანაწილდა ხმები ასპინძის ოლქში

N39 ასპინძის საარჩევნო ოლქში ხმების დანარჩენი ოდენობა ასე გადანაწილდა: „ნინო ბურჯანაძე - ერთიანი ოპოზიცია“ - 6,93%, „დავით – თარხან მოურავი“ - 6, 67%, „საქართველოს ძალოვან ვეტერანთა კავშირი“ - 3,76%, „არასაპარლამენტო ოპოზიცია“ (კახა კუკავა, ფიქრია ჩიხრაძე) - 2,37 %. რაც შეეხება სხვა პოლიტიკურ პარტიებს მათ ხმების 0, 67% აიღეს.

გამგებლობის კანდიდატებიდან ყველაზე მეტი ხმა „ქართული ოცნების“ მიერ წარდგენილმა კანდიდატმა ლევან ცაბაძემ მიიღო - 52%.
დანარჩენი მიღებული ხმების რაოდენობა ასეთია: „ერთიანი ნაციონალური მოძრაობა“ ბესიკ ბექაური - 32,88 %, „ნინო ბურჯანაძე - ერთიანი ოპოზიცია“ გელა ლეკიშვილი 12, 6% და „არასაპარლამენო ოპოზიცია“ (კუკავა ჩიხრაძე) ნიკოლოზ ბერიძე 2 %.

ასპინძაში 12 მაჟორიტარული ოლქიდან ორ ოლქში საინიციატივო ჯგუფის მიერ წარდგენილმა კანდიდატმა გაიმარჯვა. ერთ ოლქში „ნინო ბურჯანაძე - ერთიანი ოპოზიციის“ მიერ წარდგენილი კანდიდატი გავიდა, მეორეში კი ხმების უმრავლესობა „ერთიანი ნაციონალური მოძრაობის“ მიერ წარდგენილმა კანდიდატმა მიიღო.

დანარჩენ რვა ოლქში ხმების უმრავლესობა „ქართული ოცნების“ მიერ წარდგენილმა კანდიდატებმა აიღეს.

N39 ასპინძის საოლქო საარჩევნო კომისიის თავმჯდომარის როსტომ მაგრაქველიძის შეფასებით ასპინძაში არჩევნებმა მშვიდ გარემოში დარღვევების გარეშე ჩაიარა. მისივე თქმით N39 ასპინძის ოლქში არცერთი საჩივარი არ შესულა.

[მანანა სარაშვილი, ასპინძა]