"ბურჯანაძე – დემოკრატების“ კანდიდატებმა საოლქოს რეგისტრაციისათვის მიმართეს

8 ოქტომბრის საპარლამენტო არჩევნებზე ბესიკ ხითარიშვილი კენჭს ახალციხე–ადიგენის გაერთიანებულ ოლქში იყრის, ხოლო ამირან ტყეშელაშვილი მაჟორიტარობისათვის ბორჯომი–ასპინძის ოლქში იბრძოლებს.

პარტია ,,გაერთიანებული დემოკტარიული მოძრაობის“ ლიდერებს არცერთი მათგანი ოფიციალურად არ წარუდგენიათ, თუმცა მათ შესაბამის საოლქო საარჩევნო კომისიებში დასარეგისტრირებლად საჭირო დაკუმენტები უკვე შეიტანეს.

6 სექტემბრის მონაცემებით, #37–ე ახალციხის საოლქო საარჩევნო კომისიას პარტიის მიერ წარდგენილმა უკვე მეორე კანდიდატმა მიმართა. ხოლო #36 ბორჯომის საარჩევნო ოლქში ოფიციალური რეგისტრაცია მხოლოდ ერთმა კანდიდატმა მოითხოვა.

შეგახსენებთ, რომ 8 ოქტომბრის საპარლამენტო არჩევნებისათვის ახალციხე–ადიგენის ოლქში დასახელებული კანდიდატები არიან:

გიორგი კოპაძე – ,,ქართული ოცნება – დემოკრატიული საქართველო“;

ვაჟა ჩიტაშვილი – ,,ერთიანი ნაციონალური მოძრაობა“;

კობა გორგოძე – ბლოკი ,,პაატა ბურჭულაძე – სახელმწიფო ხალხისთვის“;

ნიკო ინასარიძე – ბლოკი ,,პატრიოტთა ალიანსი – გაერთიანებული ოპოზიცია“;

ბესიკ ხითარიშვილი – ,,ნინო ბურჯანაძე – დემოკრატიული მოძრაობა“;

შალვა გოგოლაძე – ,,თავისუფალი დემოკრატები“;

ნუგზარ პარუნაშვილი – დამოუკიდებელი კანდიდატი.


ხოლო, ბორჯომი – ასპინძა – ახალქალაქის ოლქში მაჟორიტარობის კანდიდატებად პარტიებმა წარადგინეს:

გედევან ფოფხაძე – ,,ქართული ოცნება – დემოკრატიული საქართველო“;

ტარიელ ლონდარიძე – ,,ერთიანი ნაციონალური მოძრაობა“;

კახა ბერიძე – ბლოკი ,,პაატა ბურჭულაძე – სახელმწიფო ხალხისთვის“;

ზურა ხაჩიძე – ბლოკი ,,პატრიოტთა ალიანსი – გაერთიანებული ოპოზიცია“;

ამირან ტყეშელაშვილი – ,,ნინო ბურჯანაძე – დემოკრატიული მოძრაობა“;

გიორგი გიუაშვილი – ,,ლეიბორისტული პარტია“;

აკაკი ლეკიშვილი – ,,ეროვნული ფორუმი“.

მათ რეგისტრაციის ვადა 8 სექტემბრამდე აქვთ.

[თაკო ფეიქრიშვილი, ახალციხე]