ბორჯომში მეორე ადგილზე „ბურჯანაძე - ერთიანი ოპოზიცია" გავიდა

ბორჯომის მუნიციპალიტეტში არჩევნებში მონაწილოება ამომრჩეველთა 45,8 %-მა მიიღო.

აქ „ქართულმა ოცნებამ“ 47 % აიღო; „ნინო ბურჯანაძე ერთიანმა ოპოზიციამ“ 13 % დააგროვა. „ერთიანმა ნაციონალურმა მოძრაობამ“ კი ხმების 11% აიღო. დანარჩენი პროცენტები ასე გადანაწილდა: „საქართველოს პატრიოტთა ალიანსი“ 12 %, „თვითმმართველობა ხალხს“ 2 % და „ლეიბორისტული პარტია“ 8 %.

ბორჯომში „ქართული ოცნების“ გამგებლობის კანდიდატმა დიმიტრი ყიფიანმა ხმების უმრავლესობა მოიპოვა. მან 60 % აიღო, ყიფიანის შემდეგ ყველაზე მეტი ხმა „ნინო ბურჯანაძე - ერთიანი ოპოზიციის“ გამგებლობის კანდიდატმა ავთანდილ გომდლაძემ აიღო. მათ შემდეგ ხმების უმრავლესობა „საქართველოს პატრიოტთა ალიანსის“ გამგებლობის კანდიდატმა და „ლეიბორისტული პარტიის“ კანდიდატმა მიიღეს.

11 მაჟორიტარული ოლქიდან ორ ოლქში საინიციატო ჯგუფის კანდიდატებმა გაიმარჯვეს დანარჩენ ცხრა ოლქში კი „ქართული ოცნების“ კანდიდატები ლიდერობენ.
ბორჯომის ოლქში ერთი საჩივარია რეგისტრირებული, რომელსაც კომისია სავარაუდოდ ხვალ განიხილავს.

[მანანა სარაშვილი, ახალციხე]