ადიგენში არჩევნები „ოცნებამ“ მოიგო

N38 ადიგენის ოლქში „ქართული ოცნების“ შემდეგ ყველაზე მეტი ხმა – 2 305 „ერთიანმა ნაციონალურმა მოძრაობამ“ აიღო, დანარჩენი ხმები ასე გადანაწილდა: „ნინო ბურჯანაძე ერთიანი ოპოზიცია“ - 988 ხმა, „ლეიბორისტული პარტია“ - 186 ხმა, „საქართველოს ძალოვან ვეტერანთა კავშირი“ - 89 ხმა და „არასაპარლამენტო ოპოზიცია“ (კახა კუკავა, ფიქრია ჩიხრაძე) - 83 ხმა.

ასევე, ყველაზე მეტი პროცენტი აიღო „ქართული ოცნების“ გამგებლობის კანდიდატმა ზაქარია ენდელაძემ. მან ამომრჩევლების 5 236 ხმა მიიღო, „ერთიანი ნაციონალური მოძრაობის“ გამგებლობის კანდიდატმა სიმონ პარუნაშვილმა - 2 546, „ნინო ბურჯანაძე ერთიანი ოპოზიციის“ გამგებლობის კანდიდატმა თამაზ მწყერაშვილმა კი 881.

N38 ადიგენის საოლქო საარჩევნო კომისიის თავმჯდომარის ჯაბა მაჭარაშვილის თქმით ადიგენში საარჩევნო პროცესებმა მშვიდ გარემოში ჩაიარა. ამ ეტაპზე ადიგენის საარჩევნო ოლქში რეგისტრირებული მხოლოდ ორი საჩივარია.

[მანანა სარაშვილი, ადიგენი]