ვინ მოიგო არჩევნები იმ სოფელში, სადაც მუსლიმებს ყოფილი მეჩეთის გადაცემას დაჰპირდნენ

N38–ე ადიგენის საარჩევნო ოლქის N11 უბანზე არჩევნები „ქართულმა ოცნებამ“ მოიგო.

აქ „ქართულმა ოცნებამ“ 153 ხმა მიიღო, „ნაციონალურმა მოძრაობამ“ კი 41; მოხეში არჩევნები მოუგო კონკურენტებს ადიგენის მუნიციპალიტეტის გამგებლობის კანდიდატმა „ქართული ოცნებიდან“ ზაქარია ენდელაძემ. აქ მან 167 ხმა დააგროვა. რაც შეეხება „ნაციონალური მოძრაობის“ გამგებლობის კანდიდატს სიმონ პარუნაშვილს, მას მოხეში ხმა 44-მა ამომრჩეველმა მისცა. „ნინო ბურჯანაძე - ერთიანი ოპოზიციის“ გამგებლობის კანდიდატს თამაზ მწყერაშვილს კი მხარი 52-მა ამომრჩეველმა დაუჭირა.

ამავე უბანზე ხმების დიდი ნაწილი დააგროვა „ქართული ოცნების“ მაჟორიტარი დეპუტატობის კანდიდატმა თამაზ გობაძემ. მან მოხეში 118 ხმა მიიღო. რაც შეეხება „ნაციონალური მოძრაობის“ კანდიდატს რევაზ ცეცხლაძეს აქ მას ხმა 30-მა ამომრჩეველმა მისცა.

N38–ე ადიგენის საარჩევნო ოლქის თავმდჯომარის ჯაბა მაჭარაშვილის განცხადებით, ადიგენის ოლქში არჩევნებს „ქართული ოცნება“ იგებს.

[sknews.ge]