შოთა ნარიმანიშვილის ვიდეობლოგი [Video]

შოთა ნარიმანიშვილი ამბობს, რომ ქალაქში არაერთია ისეთი ადგილი, სადაც ფეხით მოსიარულეებისთვის გზის გადაკვეთა სახიფათოა. მაგალითად, ავტოსადგურში, სუპერმარკეტ „სმარტის“ მიმდებარე ტერიტორიაზე, სადაც ყოველთვის ხალხმრავლობაა; ასევე, ქალაქის შემოსასვლელში; გამოყოფილი არ არის ფეხით მოსიარულეთა ბილიკი ახალციხის პირველ სკოლამდე მისასვლელად და იგივე ვითარებაა ახალციხის მეხუთე სკოლასთანაც. ასევე ძნელია გაერკვეს ფეხით მოსიარულე 9 აპრილისა და რუსთაველის ქუჩების გადაკვეთაზე. სადაც, არაერთი ავარიაც მომხდარა.

მისი თქმით ფეხით მოსიარულეების მდგომარეობას ართულებს ისიც,რომ ქალაქში მოსაწესრიგებელია პარკირების ადგილები ავტომანქანებისთვის, ზოგან მაგალითად საერთოდ არ არის გამოყოფილი ადგილი, ზოგან კი იმდენად პატარა ადგილებია, რომ ავტომანქანების ნაწილს ფეხით მოსიარულეებისთვის განკუტვნილი ბორდიულები აქვს დაკავებული. ამის გამო, ქვეითებს გზაზე უწევთ სიარული.

ამიტომ მიმართავს ქალაქის მომავალ მერს, ყურადღება მიაქციოს ამ საკითხებს და შესაბამის უწყებებთან ერთად ამ ორი პრობლემის მოგვარებაზე იზრუნოს: მოინიშნოს ადგილები ქვეითებისთვის და მოწესრიგდეს პარკირება ახალციხეში.



ვიდეობლოგი მომზადებულია პროექტის "ინფორმირებული ახალგაზრდა ამომრჩეველი" ფარგლებში. პროექტს ახორციელებს სამოქალაქო განვითარების ინსტიტუტი.