რა გახდის რაბათს უფრო მიმზიდველს – ნანა მიქელაძის რეკომენდაცია ახალციხის მომავალ მერს [Video]

ნანა ამბობს, რომ ტოლერანტობის სიმბოლოდ წოდებულ რაბათის უბანს, საიდანაც, მე–9 საუკუნიდან, ახალციხის ისტორია იწყება და სადაც დღემდე ერთადაა თავმოყრილი მეჩეთი, სინაგოგა, კათოლიკური, მართლმადიდებლური და გრიგორიანული ტაძრები, ერთი შეხედვით ამ მრავალფეროვნების არაფერი ეტყობა. გარდა ამისა, ახალციხის ციხეში, სადაც არაერთი ისტორიული ძეგლია, არსად არანაირი წარწერა არ გვხვდება და თუ ტურისტი გიდს არ აიყვანს, რაბათს ისე დატოვებს, მის ისტორიას ვერ გაიგებს.

ამიტომ, იგი ახალციხის მომავალ მერს მიმართავს, რაბათის შესასვლელში საინფორმაციო დაფის დადგმაზე, ციხეში კი წარწერებისა და მიმანიშნებლების გაკეთებაზე იფიქრონ. გარდა ამისა, იგი ფიქრობს, რომ კარგი იქნება, თუ სამომავლოდ რაბათის უბანში საქალაქო ტრანსპორტს დანიშნავენ.



ვიდეობლოგი მომზადებულია პროექტის "ინფორმირებული ახალგაზრდა ამომრჩეველი" ფარგლებში. პროექტს ახორციელებს სამოქალაქო განვითარების ინსტიტუტი.