თამარ მაისურაძის ვიდეობლოგი [Video]

თამარ მაისურაძე ამბობს, რომ ახალციხე საკმაოდ დიდი ქალაქია, თუმცა ნაკლებია ისეთი ადგილები, სადაც ადამიანები დასვენებას შეძლებენ. მისი თქმით, ერთ–ერთი ასეთი ადგილი იყო ახალციხის ხელოვნური ტბა, სადაც მოეწყო გასართობი კომპლექსი, ამოქმედდა კაფეები და ხალხს შეეძლო საღამოების გატარება. თუმცა, კომპლექსი მალევე გამოვიდა მწყობრიდან და დღეს აქ აღარც კაფეები მუშაობს და გარემოც მოუვლელია.

თამარ მაისურაძე ქალაქის მომავალ მერს მიმართავს, რომ გაითვალისწინონ და ბიუჯეტში თავიდანვე გამოყონ თანხა კომპლექსის აღსადგენად, მოსავლელად და ვითარების გასაუმჯობესებლად.

გარდა ამისა, ახალციხე არის საუნივერსიტეტო ქალაქი. სამცხე–ჯავახეთის სახელმწიფო უნივერსიტეტში 1000–ზე მეტი სტუდენტი სწავლობს, ამათგან, ნახევარზე მეტი ჩამოსულები არიან, რომლებიც ნაქირავებ ბინებში ცხოვრობენ. მასიურაძე თვითმმართველობას ასევე მიმართავს, რომ ბიუჯეტის დაგეგმვისას აღნიშნული საკითხიც გაითავალისწინონ და უნივერსიტეტს სტუდენტური საცხოვრებელის აშენებაში დაეხმარონ.



ბლოგი მომზადებულია პროექტის "ინფორმირებული ახალგაზრდა ამომრჩეველი" ფარგლებში. პროექტს ახორციელებს სამოქალაქო განვითარების ინსტიტუტი.