თორნიკე მაისურაძის ვიდეობლოგი [Video]

თორნიკე მაისურაძე ამბობს, რომ რუსთაველის ქუჩის ამ ნაწილში მცხოვრები ახალგაზრდები ძირითადად N103–ე კორპუსთან მდებარე სტადიონზე იკრიბებიან. თუმცა, მოუწესრიგებელია და ბავშვებს ფეხბურთის თამაში ბეტონზე უწევთ. არადა ამ უბანში სულ მცირე 60 ახალგაზრდა მაინც ცხოვრობს.

თორნიკე მაისურაძე ქალაქის თვითმმართველობას თხოვნით მიმართავს, ყურადღება მიაქციონ რუსთაველის ქუჩის მცხოვრებლებს, მოაწესრიგონ სტადიონი, დარგონ ხელოვნური საფარი და შემოღობონ. რადგან ცხოვრების ჯანსაღი წესის დანერგვისთვის სპორტი ერთ–ერთი აუცილებელი პირობაა.

მეორე და არანაკლებ მნიშვნელოვანი პრობლემა, რაც ასევე ამ ქუჩის მცხოვრებლებლს აწუხებთ, დასუფთავებას ეხება. ამ ქუჩის მაღლა ზარზმელის ქუჩაა, ეგერეთ წოდებული, „ადინაცატების დასახლება“ , საიდანაც საყოფაცხოვრებო ნარჩენები რუსთაველის ქუჩას ეყრება. გარდა ამისა, წვიმის დროს, ამ ქუჩიდან რუსთაველზე ნიაღვრები ჩამოდის, რასაც ეს ნარჩენები მოყვება და მთელს ქუჩაზე გაუსაძლისი სუნი და ანტისანიტარიაა. სწორედ ამიტომ, თორნიკე მაისურაძე თვითმმართველობას კიდევ ერთი ინიციატივით მიმართავს, მიიღონ შესაბამისი ზომები, შიძინონ და დადგან სანაგვე ურნები ზარზმელის ქუჩაზე და ჯარიმები დააწესონ იმ შემთხვევაში, თუ ადგილობრივები ნაგავს ისევ ქუჩაში დაყრიან.



ვიდეობლოგი მომზადებულია პროექტის "ინფორმირებული ახალგაზრდა ამომრჩეველი" ფარგლებში. პროექტს ახორციელებს სამოქალაქო განვითარების ინსტიტუტი.