რეგიონს დიპლომატიური კორპუსი სტუმრობს

ამ დროისთვის დიპლომატები ბორჯომში იმყოფებიან. ბორჯომში დაგეგმილია ცენტრალური პარკისა და რომანოვების სასახლის მონახულება.

დღის მეორე ნახევარში, დიპლომატიური კორპუსის წარმომადგენლები ახალციხეს ესტუმრებიან. დღეს ახალციხეში ციხის დათვალიერებაა დაგეგმილი. საღამოს, 22:00 საათზე, კი ახალციხის ციხეში კონცერტი გაიმართება.

ვიზიტი, ხვალ, 25 მაისს დასრულდება. ხვალ დიპლომატები ვარძიასა და ფოკას ესტუმრებიან.

შემეცნებითი ტურის მიზანი დიპლომატებისთვის რეგიონის უკეთ გაცნობაა. ტური საქართველოს საგარეო საქმეთა სამინისტროს ინიციატივით მოეწყო.

[sknews.ge]