მკვლელობა სოფელ უდეში

შემთხვევა დღეს, 21 მაისს, დაახლოებით 19:00 საათზე მოხდა.

გარდაცვლილის მეზობლები ამბობენ, რომ როგორც დღეს გავრცელდა ინფორმაცია, გარდაცვლილი ხალხისგან ფულს სესხულობდა, მას აპროცენტებდა და მეპატრონეებს თანხის 20%–ს უბრუნებდა. თუმცა, ბოლო პერიოდში თანხის დაბრუნებას ვეღარ ახერხებდა და ბევრი ვალი დაუგროვდა.

მათივე ინფორმაციით, იმ მამაკაცის, რომელმაც იგი მოკლა, 80 000 ლარი მართებდა. მამაკაცმა ქალს ფულის დასაბრუნებლად სახლში მიაკითხა და მას შემდეგ, რაც თანხა ვერ აიღო, დანით სასიკვდილო ჭრილობა მიაყენა.

ამ წუთებში გარადაცვლილი ახალციხის პროზექტურაშია გადასვენებული. შსს–ს ინფორმაციით, საქმე გახსნილია, ოფიციალური ინფორმაცია, ვინ და რა მუხლით იძიებს საქმეს ხვალ, 22 მაისს, დილით გავრცელდება.

[ნინო ნარიმანიშვილი, ადიგენი]