ასპინძაში, ცოლის მკვლელობაში ბრალდებულის ადვოკატი საპროცესოს გაფორმებას ითხოვს

დღეს, 31 ივლისს, ახალციხის რაიონულ სასამართლოში, ცოლის მკვლელობაში ბრალდებულის სასამართლო პროცესი გაიმართა. საქმის განილვა დაახლოებით 1 საათს გაგრძელდა.

პროცესზე პროკურურმა თამარ ზურაბაშვილმა მტკიცებულებათა ნუხა წარმოადგინა, რომელიც ბრალდებულის მხარესაც გადაეცა.

ცოლის მკვლელობაში ბრალდებულ მ.ზ–ს ბრალი განსაკუთრებით მძიმე კატეგორიის დანაშაულში, სისხლის სამართლის კოდექსის სამი მუხლით ედება: 11– 108 მუხლით, რომელიც ითვალიწინებს 7–დან 15 წლამდე პატიმრობას, 126 მუხლის 1–ლი ნაწილით, რაც ძალადობას გულისხმობს და ითვალიწინებს ჯარიმას, ან პატიმრობას ვადით 1 წლამდე და 19, 109 მუხლის მესამე ა ქვეპუნქტით, რომელიც ითვალიწნებს პატიმრობას ვადით 16–დან 20 წლამდე.

როგორც პროცესზე მოსამართლე ლუიზა თოდუამ განაცხადა, ბრალის სიმძიმის გამო აღნიშნული საქმე განეკუთვნება ნაფიც მსაჯულთა განსჯად საქმეთა კატეგორიას, თუმცა ნაფიც მსაჯულებზე ბრალდებულმა უარი განაცხადა.

ბრალდებულის ადვოკატი ირმა ენდელაძე საპროცესოს გარომებას ითხოვს: „საპროცესოს გაფორმებას და 11 წლით პატიმრობის შეფარდებას ვითხოვთ. ბრალს აღიარებს და ძალიან ნანობს“.

შეგახსენებთ, შეგახსენებთ, რომ დაბა ასპინძაში მკვლელობა 8 აპრილს, ღამით მოხდა. 37 წლის მამაკაცმა 27 წლის ცოლს დანით რამდენიმე სასიკვდილო ჭრილობა მიაყენა. გარდაცვლილს ორი არასრულწლოვანი შვილი დარჩა.

გარდაცვლილის თ.ბ–ს და მკვლელობის ღამეს იხსენებს და ამბობს, რომ ბრალდებულ მ.ზ–ს უვადო პატიმრობა უნდა მიუსაჯონ.

„მკვლელობის ღამეს მათთან ვიყავი. ღამე მესმოდა მათი საუბარი, თუმცა უცბად მოკლა, 15 ჭრილობა მიაყენა ჩემს დას. ვერ წარმოვიდგენდი თუ მოკლავდა, მიუხედავა იმისა, რომ ბოლო წლებში ყოველდღიურად ემუქრებოდა მოკვლით“, – განაცხადა „სამხრეთის კარიბჭესთან“ გარდაცვლილის დამ.

მისივე თქმით, ბრალდებულმა ჯერ მისი და მოკლა შემდეგ კი ფიზიკურად მასაც გაუსწორდა: "უცებ შემოვარდა ჩემთან და ცემა დამიწყო, შემდეგ კი წავიდა ვისზეც ეჭვიანობდა იმის მამა დაჭრა“.

მორიგი სასამართლო პროცესი 14 აგვისტოს 13:00 საათზე ჩაინიშნა.

[თინათინ ზაზაძე, ახალციხე]