'ევროპის სპორტის კვირეულის' ფარგლებში ახალციხეში ღონისძიება გაიმართა

ღონისძიება დღეს, 25 სექტემბერს ახალციხის მუნიციპალიტეტის მერიის ინიციატივით, ცენტრალური პარკის ტერიტორიაზე მოეწყო.

სპორტულ ღონისძიებებში, ერთმანეთს მუნიციპალიტეტის სოფლებისა და ქალაქის სკოლებიდან, 110 მოსწავლე შეეჯიბრა.

შაშში ტურნირი ორ ასაკობრივ ჯგუფში გაიმართა, ხოლო რუბიკის კუბის სწრაფად აწყობაში სამი ასაკობრივი ჯგუფი მონაწილეობდა.

"ხეოთის საჯარო სკოლისდან რვა ბავშვი ვართ ჩამოსულები. ერთ-ერთმა ჩვენმა სკოლელმა ათ წლამდე ასაკობრივ კატეგორიაში მეორე ადგილის დაკავება შეძლო", – ამბობს ქრისტინე მათოშვილი.

10–დან 16 წლამდე ასაკობრივ ჯგუფში შაშის ჩენპიონატზე პირველი ადგილი ლუკა ნათენაძემ, მეორე გიორგი გლუნჩაძემ, მესამე კი თამთა პაქსაშვილმა დაიკავეს.

რაც შეეხება 10 წლამდე ასაკობრივ ჯგუფს, აქ პირველი ადგილი გიორგი გვარამაძემ მოიპოვა, მეორე ადგილი რატი წიკლაურმა, ხოლო მესამე ადგილის მფლობელი იოანე მაზმიშვილი გახდა.

"მეორე ადგილი დავიკავე. ერთი წელია რაც ვთამაშობ. მინდოდა პირველი ადგილის დაკავება და ცოტა დამაკლდა", – ამბობს ტურნირის მონაწილე რატი წიკლაური.

რუბიკის კუბის აწყობაში, ათ წლამდე ასაკობრივ ჯგუფში, პირველი ადგილი ბესიკ ჩალათაშვილმა, მეორე ქეთევან მაჩიტიძემ, მესამე კი ნიკოლოზ შერაზადაშვილმა დაიკავეს.

რაც შეეხება 10-დან 15 წლამდე ასაკობრივ კატეგორიას, პირველი ადგილი ნიკა გელაშვილმა, მეორე გიორგი ინასარიძემ, ხოლო მესამე ადგილი კარაპეტ სანველიანს ხვდა წილად.

"სამი თვეა, რაც რუბიკის კუბის აწყობა ვისწავლე. ძალიან ბევრი კუბიკი მაქვს სხვადასხვა ფორმის და ვცდილობ ყველას აწყობას, თან ვსწავლობ", – ამბობს მესამე ადგილოსანი ნიკოლოზ შერაზადაშვილი.

16 წლის წემოთ ასაკობრივ ჯგუფში მანაწილეობა მხოლოდ აზად ფარმანიანმა მიიღო.

სპორტულ ღონისძიებებში გამარჯვებულები ადგილობრივი თვითმმართველობის წარმომადგენლებმა ფასიანი საჩუქრებით დააჯილდოეს და სამახსოვრო სერტიფიკატები გადასცეს.

პირველი ადგილის მფლობელებს საათი, მეორე ადგილზე გასულ მონაწილეებს მეხსირების ბარათები, მესამე ადგილზე გასულებს კი სასაჩუქრე ნაკრები გადაეცათ.

აღნიშნული კვირეულის ფარგლებში, 26 სექტემბერს სპორტული ღონისძიება "მხიარულ სტარტებში" გაიმართება, სადაც მონაწილეობას 16 წლამდე მოზარდები მიიღებენ.



[თორნიკე ზაზაძე, ახალციხე]