ცესკომ თვითმმართველობის არჩევნებისთვის 26 პარტია დაარეგისტრირა

ცესკოს, რეგისტრაციის მიზნით, 34-მა პოლიტიკურმა გაერთიანებამ მიმართა. აქედან, 26 პოლიტიკური გაერთიანება დარეგისტრირდა, ხოლო 6-ს უარი ეთქვა რეგისტრაციაზე.

გარდა ამისა, ცენტრალურ საარჩევნო კომისიაში უკვე რეგისტრირებულია 2 საარჩევნო ბლოკი: „ქართული ოცნება“ და „არასაპარლამენტო ოპოზიცია“.

კანონმდებლობის თანახმად, ცესკოს მიერ რეგისტრირებულ პარტიებს 3 მაისის ჩათვლით უნდა წარედგინათ განაცხადი საარჩევნო ბლოკის შექმნის თაობაზე.

ცესკოს ინფორმაციით, ბლოკების შექმნის მიზნით კომისიაში, ზემოაღნიშნული ვადის გათვალისწინებით დამატებით ორი განაცხადია შესული: რეგისტრირებული პარტიებიდან ბლოკის - „ერთიანი ნაციონალური მოძრაობა“ შექმნის თაობაზე ცესკოს, პოლიტიკურმა გაერთიანებამ „ერთიანი ნაციონალური მოძრაობა“ და ქრისტიან-კონსერვატიულმა პარტიამ მიმართეს; ხოლო „თვითმმართველობა ხალხს“ ბლოკის შექმნის მოთხოვნით, კომისიაში განაცხადი შეიტანეს პარტიებმა - „ევროპელი დემოკრატები“ და „სამართლიანი საქართველოსთვის“.

საარჩევნო კანონმდებლობის შესაბამისად, ზემოაღნიშნული პარტიების ბლოკებად რეგისტრაციის პროცედურები 9 მაისისთვის დასრულდება.

[sknews.ge]