აბასთუმანში დედათა მონასტერი გაქურდეს

საქმეს შსს ადიგენის რაიონული სამმართველოს აბასთუმნის განყოფილება, სისხლის სამართლის კოდექსის 177-ე, ქურდობის მუხლით იძიებს.
„დაახლოებით დილის 5-დან 7 საათამდე მოხდა ქურდობა“, - გვითხრა სატელეფონო საუბარში აბასთუმნის დედათა მონასტრის წინამძღვარმა დედა ბარბარემ.

იმის შესახებ თუ რა არის წაღებული მონასტრიდან, კომენტარს ჯერ არც შსს-ში აკეთებენ და არც დედათა მონასტერში.

შეგახსენებთ, რომ კურორტ აბასთუმანში წმინდა პანტელეიმონ მკურნალის დედათა მონასტერი რომანოვების სასახლეშია განთავსებული. 2008 წლის 12 მარტს მონასტერს ხანძარი გაუჩნდა და სასახლე, რომელიც გარედან მთლიანად ხის იყო, ნაწილობრივ დაიწვა. დამწვარი შენობის აღდგენა ვერ მოხერხდა და იმ ადგილას, ნახევრად დამწვარი ძველი შენობის გვერდით, ახალი შენობა აშენდა.

[SKnews.ge]