მესხეთის თეატრის მსახიობები ბათუმში სპექტაკლს გამართავენ

აჭარის ავტონომიური რესპუბლიკის განათლების, კულტურისა და სპორტის სამინისტროს ფინანსური მხარაჭერით, 20 დეკემბერს 19:00 საათზე ბათუმის ილია ჭავჭავაძის სახელობის სახელმწიფო თეატრში სპექტაკლი გაიმართება. ბათუმში მესხეთის (ახალციხის) პროფესიული სახელმწიფო თეატრის დასი დათო ტურაშვილის პიესას "დოდოს მოლოდინში" წარადგენს.

სპექტაკლის რეჟისორია ვახტანგ ბერიძე, კომპოზიტორი ნინო გუგეშაშვილი, მხატვარი ლელა ფერაძე, კოსტუმების მხატვარი კი ნანა ყორანაშვილი.

ბათუმის ილია ჭავჭავაძის სახელობის სახელმწიფო თეატრში სპექტაკლზე დასწრება თავისუფალია.

შეგახსენებთ, რომ მესხეთის (ახალციხის) პროფესიული სახელმწიფო თეატრში აღნიშნული სპექტაკლის პრემიერა 28-29 ნოემბერს გაიმართა. პრემიერას პიესის ავტორი დათო ტურაშვილიც დაესწრო.

[sknews.ge]