სამცხე–ჯავახეთში ფერმერებმა კარტოფილი ინოვაციური მეთოდით მოიყვანეს

მათე ჩიტაშვილმა ახალი ჯიშის კარტოფილის 210 ნერგი დაგვიანებით, ივნისის ბოლოს დარგო, როგორც ის გვიყვება, ამ ფორმით მიღებული სათესლე კარტოფილი, სამჯერ უფრო მოსავლიანი იქნება, ვიდრე ადგილზე მოყვანილი.

„გარდა იმისა, რომ ახალი ჯიშია და ბევრად მოსავლიანია, ეს არის აბსოლუტურად უვირუსო და სამჯერ უფრო ელიტური თესლი. 3,7–ს ვიხდით ხოლმე სათესლე კარტოფილში, ეს კი, ჩვენი გამოიყვანილია და სამჯერ უფრო მეტ მოსავალს იძლევა და ძალიან ბევრი შრომაც არ სჭირდება“ – ამბობს მათე.

ჩითილები, ფერმერებს USAID-ის პროექტის ფარგლებში გადაეცათ, ამერიკის შეერთებული შტატების საერთაშორისო განვითარების სააგენტოს მიერ დაფინანსებულ პროექტში სამცხე-ჯავახეთიდან 38 ფერმერია ჩართული. თითოეულ ბენეფიციარს 210 ჩითილი გადაეცა. გარდა ამისა, მათ წვეთოვანი სარწყავი სისტემაც დაუმონტაჟეს.



[რობი ზარიძე]