ახალციხეში მოძრაობა უსაფრთხო გახდა

ადგილობრივ თვითმმართველობაში განმარტავენ, რომ ახალი ცხაურები ქუთაისიდან ჩამოიტანეს. დაგიანების მიზეზიც სწორედ ეს გახდა.

„ცხაურების შეკვეთა ქუთაისში მივეცით, ალბათ რიგები იყო და ამის გამო დაგვიანდა მათი ჩამოტანა. სამი ცხაური იყო დაზიანებული, რაც დაახლოებით 1200 ლარი დაჯდა“,- ამბობს ქალაქის რწმუნებული დავით სამსონიძე.

შეგახსენებთ, სანიაღვრე არხების ცხაურები ქალაქის რამდენიმე ქუჩაზე იყო დაზიანებული, რაც ფეხით მოსიარულეებსა და ავტომანქანის მძღოლებს პრობლემებს უქმნიდა.

[თინათინ ზაზაძე, ახალციხე]