სამცხე-ჯავახეთში დისტანციურ სწავლებაზე ოთხი სკოლა გადავიდა

ქალაქ ნინოწმინდის N1 საჯარო სკოლაში COVID-19 ორ პედაგოგს დაუდასტურდა. მასწავლებლის ინფიცირების შემთხვევაა ქალაქ ახალქალაქის N5 საჯარო სკოლაშიც. ახალციხეში კოვიდინფიცირების ორი შემთხვევა ორ სკოლაში დაფიქსირდა: ახალციხის N4 და ვალეს N2 საჯარო სკოლებში. ამის გამო, საგანმანათლებლო დაწესებულებებში დღეიდან, 19 ოქტომბრიდან სწავლა ონლაინ განახლდება.

მთლიანობაში ინფიცირებულია სულ ხუთი პედაგოგი.

„გამომდინარე აღნიშნული სიტუაციიდან ქალაქ ახალციხეში მეოთხე საჯარო სკოლა ასევე ვალის მეორე საჯარო, ახალქალაქის მუნიციპალიტეტის მეხუთე და ნინოწმინდის N1 სკოლები გადავიდნენ დისტანციურ სწავლებაზე“, - განმარტა დღეს გამართულ ბრიფინგზე სამცხე-ჯავახეთის სახელმწიფო რწმუნებულის აპარატის უფროსმა, გიორგი მიქელაძემ.

19 ოქტომბრის 12:00 საათის მონაცემებით, რეგიონში კორონავირუსით სულ 100 პირი დაინფიცირდა.

[მარიამ ბარძიმაძე]