COVID-19-ის შემთხვევების გამო ადიგენის ორი სკოლა დისტანციურ რეჟიმზე გადავიდა

30 სექტემბრის, 17:00 საათის მონაცემებით, სამცხე–ჯავახეთის მასშტაბით ყველაზე მეტი, 24 კოვიდინფიცირებული ადიგენის მუნიციპალიტეტშია. ინფექცია მუნიციპალიტეტის რვა სოფელშია გავრცელებული, მათ შორის: ჭეჭლაში – 11, უდეში – 2, დიდ ზანავში – 5, ღორთუბანში – 2,
ჭელაში – 1, კეხოვანში – 1, გომაროში – 1, არალში – 1.

იმის გამო, რომ ჭეჭლასა და დიდ ზანავში ინფიცირებულები სკოლის თანამშრომლები და მოსწავლეები არიან, სასწავლო პროცესი დისტანციურად გაიმართება.

გადავა თუ არა არლის საჯარო სკოლაც დისტანციურ სწავლებაზე, სადაც დაინფიცირებული სკოლის მასწავლებლის მეუღლეა ამ დროისთვის უცნობია.

„ველოდებით ანალიზის პასუხს, თუ დადებითი იქნება, ამის შემდეგ გადაწყდება გადავა თუ არა დისტანციურ სწავლაზე სკოლა. ანალიზის პასუხები სამ დღეში იქნება. ამ დროისთვის როგორც სკოლის დირექტორისგან ვიცი სკოლაში სამუშო პრიცესი მიმდინარეობს“, – ამბობს ადიგენის საგანმანათლებლო რესურსცენტრის ხელმძღვანელი, ინგა ბოჭორიშვილი.

30 სექტემბრის მონაცმებით, სამცხე–ჯავახეთში კორონავირუსი 26 ადგილობრივს დაუდასტურდა. აქედან 24 შემთხვევა ადიგენშია, თითო–თითო კი ასპინძასა და ნინოწმინდაში.

[ნუკა სტეფნაძე]