სოფელ უდის N2 სკოლა დისტანციურ სწავლებაზე გადავიდა – COVID-19

ადიგენის საგანმანათლებლო რესურსცენტრის ხელმძღვანელის, ინგა ბოჭორიშვილის განმარტებით, ვირუსი მხოლოდ ერთ პედაგოგს დაუდასტურდა.

„ერთ მასწავლებელს დაუდასტურდა კორონავირუსი, ამიტომ ჯანდაცვამ მიიღო გადაწყვეტილება, რომ დისტანციურზე გადასულიყვნენ. რაც შეეხება მოსწავლეებს, ვირუსი არავის აქვს“.

უდის N2 საჯარო სკოლაში 117 მოსწავლე სწავლობს და 21 მასწავლებელი ასწავლის.

რეგიონის მასშტაბით, ამ ეტაპზე, 12 საჯარო სკოლა სწავლების დისტანციურ რეჟიმზეა გადასული.

[ნუკა სტეფნაძე]