10 სკოლა დისტანციურ რეჟიმზე გადავიდა, სწავლა შეწყდა 4 ბაღში – COVID-19 სამცხე–ჯავახეთში

10 სკოლიდან კორონავირუსი დაფიქსირდა ნინოწმინდის ხუთ, ახალციხის ორ, ადიგენის ერთ და ახალქალაქის ორ სკოლაში.

covid-19-ის დაფიქსირების გამო, რეგიონის მასშტაბით დაიხურა ოთხი საბავშვო ბაღი, აქედან ერთი ახალქალაქშია, ორი ახალციხეში და ერთი ბორჯომში.

ვირუსი დაფიქსირდა ახალციხის პირველ და მეხუთე სკოლებშიც, თუმცა ამ შემთხვევაში დირექციას სასწავლებლის დახურვის გადაწყვეტილება ჯერ არ მიუღია.

სამცხე-ჯავახეთის სახელმწიფო რწმუნებულის აპარატის უფროსი, გიორგი მიქელაძე ამბობს, რომ ამ ეტაპზე რეგიონში დამატებითი შეზღუდვები არ იგეგმება.

22 ოქტომბრის მონაცემებით, რეგიონში 173 კოვიდინფიცირებულია, აქედან გამოჯანმრთელდა 51 პაციენტი, გარდაიცვალა – 2.

[ნუკა სტეფნაძე]