არლის საჯარო სკოლაში აღებული ანალიზების პასუხები დღეს გახდება ცნობილი

„არლის სკოლაში აღებული ანალიზების პასუხები დღის ბოლომდე იქნება, ველოდებით. ჩვენი რეგიონის ანალიზები ორ ლაბორატორიაში მოწმდება, აქედან ერთ–ერთი ახალციხეშია“,– ამბობს სამცხე-ჯავახეთის სახელმწიფო რწმუნებულის აპარატის ხელმძღვანელი, გიორგი მიქელაძე.

შეგახსენებთ, რომ არლის საჯარო სკოლაში კორონავირუსი მასწავლებელს გუშინ, პირველ ოქტომბერს დაუდასტურდა. სკოლის მასწავლებელთან ერთად ინფიცირებულია მისი მეუღლეც.

როგორც მასწავლებელი განმარტავს, მეუღლეს ინფიცირებულ უდელ ექთანთან 18 სექტემბერს ჰქონდა კონტაქტი.

არლის საჯარო სკოლის მოსწავლეებს და პედაგოგებს covid-19-ზე ტესტირება გუშინ ჩაუტარეს. სკოლა სწავლების დისტანციურ რეჟიმზეა გადასული.

სკოლაში 148 მოსწავლე და 24 პედაგოგია.

[ნუკა სტეფნაძე]