არლის საჯარო სკოლაში კორონავირუსზე აღებული ანალიზების პასუხები ცნობილია

არლის საჯაროს სკოლაში მასწავლებლების და მოსწავლეების ტესტირება მას შემდეგ დაიწყო, როცა გაირკვა რომ ერთ–ერთ პედაგოგს covid-19 აღმოაჩნდა.

სამცხე-ჯავახეთის სახელმწიფო რწმუნებულის აპარატის ხელმძღვანელი, გიორგი მიქელაძე ამბობს, რომ ინფიცირებულ მასწავლებელთან კონტაქტში მყოფი ყველა პირის ანალიზის პასუხი უარყოფითია.

შეგახსენებთ, რომ არლის სკოლის მასწავლებელს კორონავირუსი პირველ ოქტომბერს დაუდასტურდა, მანამდე, 29 სექტემბერს, covid-19 აღმოაჩნდა მის მეუღლესაც.

არლის სკოლაში 148 მოსწავლე და 24 პედაგოგია, ისინი თვითიზოლაციაში იმყოფებიან. სკოლაში სწავლა დისტანციურ რეჟიმში მიმდინარეობს. განმეორებითი ტესტირება 12 ოქტომბერს იგეგმება, ამის შემდეგ გაირკვევა, დაბრუნდებიან თუ არა სკოლაში ბავშვები.

ადიგენის მუნიციპალიტეტში კორონავირუსის გამო, დისტანციურად სამ სკოლაში სწავლობენ, ესენია: არალი, დიდი ზანავი და ჭეჭლა.

[ნუკა სტეფნაძე]