‘გამოკითხულთა 80% დაგროვებითი საპენსიო პროგრამაში ჩართული არ არის’ – NDI

მთავარი → სიახლე, საზოგადოება 14.09.2020

NDI-ს ინფორმაციით, გამოკითხული მოსახლეობის უმრავლესობა 80% ამბობს, რომ საპენსიო პროგრამაში ჩართული არ არის. ხოლო იმ პირებიდან, ვინც პროგრამაშია ჩართული, 38% გაიტანდა თანხას, შესაძლებლობა რომ ჰქონდეს.

‘გამოკითხულთა 80% დაგროვებითი საპენსიო პროგრამაში ჩართული არ არის’ – NDI

კითხვაზე, „ამაჟამად ხართ თუ არა ჩართული სახელმწიფო დაგროვებით საპენსიო პროგრამაში“, გამოკითხულთა 80% პასუხობს, რომ „არა“, 19% - „დიახ“, ხოლო 1%-მა არ იცის.

იმ 19%-დან, რომლებიც ჩართული არიან საპენსიო დაგროვებით პროგრამაში, 38% დანაზოგს გაიტანდა, შესაძლებლობა რომ ჰქონდეს; 58% კი, დანაზოგს არ გაიტანდა.

გამოკითხულთა 74% მიიჩნევს, რომ უკეთესი იქნება თუ 40 წლამდე მოსახლეობას საშუალება ექნება ხელფასის 2% ნებაყოფლობით გადარიცხოს საპენსიო ფონდში. ხოლო 11% ფიქრობს, რომ უკეთესი იქნება თუ 40 წლამდე მოსახლეობა ვალდებული იქნება ხელფასის 2% ყოველთვიურად გადარიცხოს საპენსიო ფონდში.

NDI-ის კვლევის საველე სამუშაოები 6-11 აგვისტოს ჩატარდა. აღებულია 2,045 დასრულებული ინტერვიუ.

‘გამოკითხულთა 80% დაგროვებითი საპენსიო პროგრამაში ჩართული არ არის’ – NDI