სამცხე–ჯავახეთში საპენსიო სისტემა 265–მა ადამიანმა დატოვა

ამ დრომდე საპენსიო სისტემა ახალციხეში 103–მა მოქალაქემ დატოვა, ბორჯომში – 86–მა, ადიგენში – 23–მა, ასპინძა – ექვსმა, ახალქალაქში – 12–მა, ხოლო ნინოწმინდაში 35–მა.

საპენსიო სქემის დატოვება შეუძილია მხოლოდ იმ პირს, რომელიც 2018 წლის ექვს აგვისტოს უკვე იყო 40 ან მეტი წლის. თუ პიროვნებას 40 წელი 2018 წლის შვიდ აგვისტოს, ან შემდეგ შეუსრულდა, მას საპენსიო სქემიდან გამოსვლის უფლება აღარ აქვს.

სოციალური მომსახურების სააგენტოს სამცხე–ჯავახეთის რეგიონულ სამმართველოში გვითრეს, რომ მათთან მოქალაქეები ყოვედღიურად მიდიან და კითხულობენ, შეუძლიათ თუ არა სისტემის დატოვება.

განცხადების დაწერა შესაძლებელია სქემაში ჩართვიდან სამი თვის ათვლის შემდეგ. სამი თვის ათვლა კი იმ თარიღიდან იწყება, როდესაც ბუღალტერი ამა თუ იმ პირის პირველ საპენსიო შენატანს დააფიქსირებს და დეკლარაციას დახურავს. სქემის დატოვების შესახებ განცხადების დაწერის ვადა სქემაში ჩართვიდან ორი თვეა. თუ ამ ხნის განმავლობაში არ დატოვებს პირი სქემას, ის დარჩება დაგროვებითი საპენსიო სისტემის მონაწილედ და სქემიდან ვეღარ გავა.

განცხადების დაწერა შეუძლია მინდობილ პირს ნოტარიულად დამოწმებული მინდობილობის საფუძველზე.

საქართველოში დაგროვებითი საპენსიო სისტემა 2019 წლის პირველი იანვრიდან ამოქმედდება.

[მარიამ ბარძიმაძე, ახალციხე]