წინუბნის ტყეში ხანძარი ლიკვიდირებულია – დამწვარია 4 ჰექტარი

პირველადი მონაცემებით, დამწვარია ტყის ქვედა საფარი 4 ჰექტარ ფართობზე.

"რთული რელიეფის მიუხედავად, მეხანძრე- მაშველებმა შეძლეს ხანძრის ეპიცენტრთან ტექნიკის და ცოცხალი ძალის მობილიზება. მეხანძრე მაშველებს, რეინჯერები და ადგილობრივი მოსახლეობა ეხმარებოდნენ. პირველადი დათვალიერებით, დამწვარია ტყის ქვედა საფარი 4 ჰექტარ ფართობზე.

ადგილზე, ასევე, იმყოფებიან კრიმინალური და საპატრულო პოლიციის ეკიპაჟებიც", – ნათქვამია საგანგებო სიტუაციების მართვის სამსახურის მიერ გავრცეებულ განცხადებაში.

შინაგან საქმეთა სამინისტრომ მომხდარზე გამოძიება საქართველოს სსკ-ის 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.

[sknews.ge]