ახალციხელმა არტაშეს ელბაქიანმა გინესის რეკორდი მოხსნა [Photo]

ახალგაზრდა სპორტსმენის მხარდასაჭერად მოსახლეობა ახალციხის ციხის ქვედა ნაწილში შეიკრიბა, სადაც რეკორდის დასამყარებლად ჰორიზონტალური ძელი იყო დამონტაჟებული. რეკორდსმენს გეგმაში 300 ტრიალის გაკეთება ჰქონდა, თუმცა დაგეგმილს 102–ით გადააჭარბა.

აღნიშნულ კატეგორიაში მიმდინარე რეკორდი სომხეთის მოქალაქე რომან შარადიანს ეკუთვნოდა 152 ერთეულით. არტაშეს ელბაქიანს მინიმუმ 153 ბრუნი უნდა შეესრულებინა, თუმცა მან 402 ბრუნი შეასრულა.

ღონისძიება საქართველოს რეკორდების ფედერაციის მსაჯების მეთვალყურეობის ქვეშ გაიმართა. ახალციხელ სპორტსმენს მისი მიღწევის დამადასტურებელი სერტიფიკატი და მედალი გადაეცა.

25 წლის არტაშეს ელბაქიანი ახალციხის მუნიციპალიტეტის მასშტაბით რეკორდსმენობის პირველი და ჯერჯერობით ერთადერთი პრეტენდენტია.













[sknews.ge]