სომხეთში საგანგებო მდგომარეობა კიდევ ერთი თვით გახანგრძლივდა

მთავრობის სხდომის დროს, იუსტიციის მინისტრმა რუსტამ ბადასიანმა, საგანგებო მდგომარეობის ახალ წესებზე ისაუბრა. მისი თქმით, დღეიდან შესაძლებელია როგორც ღია, ისე დახურულ სოვრცეებში, გასართობი ღონისძიების გამართვა, 40 – მდე ადამიანის მონაწილეობით. სომხეთში შესვლა შეეძლებათ სხვა ქვეყნის მოქალაქეებსაც.

ქვეყანაში საგანგებო მდგომარეობის რეჟიმი 16 მარტიდან მოქმედებს.

დღეის მონაცემებით, სომხეთში კორონავირუსის 40 794 დადასტურებული შემთხვევაა დაფიქსირებული, გამოჯანმრთელებულია 33 492, ხოლო გარდაცვლილია 806 ადამიანი.

საგანგებო მდგომარეობა ქვეყანაში უკვე მეხუთედ გახანგრძლივდა.

[რიმა სარუხანიან]