სომხეთში საგანგებო მდგომარეობა ერთი თვით გახანგრძლივდება

დღეს, 11 ივნისს, სომხეთის მთავრობის სხდომის შემდეგ გამართულ ბრიფინგზე, ქვეყნის პრემიერ–მინისტრის, ნიკოლ ფაშინიანის განცხადებით საგანგებო მდგომარეობა კიდევ ერთი თვით გახანგრძლივდება.

„ხვალ გაიმართება რიგგარეშე სხდომა, სადაც გადავწყვეტთ საგანგებო მდგომარეობის გახანგრძლივების საკითხს. საგანგებო მდგომარეობა კიდევ ერთი თვით უნდა გაგრძელდეს, რადგან არ არის აღმოფხვრილი ის მიზეზები, რის გამოც ქვეყანაში საგანგებო მდგომარეობა გამოცხადდა. მინდა ყველას მოვუწოდო დაიცვან ეპიდემიის საწინააღმდეგო რეგულაციის წესები. ჩვენ გვაქვს შესაძლებლობა 7-დან 14 დღეში სომხეთში კორონავირუსის ახალი შემთხვევების ზრდის გაუქმების და შეგვიძლია საერთოდ შევაჩეროთ ინფექცია“,– აცხადებს ნიკოლ ფაშინიანი.

სომხეთში საგანგებო მდგომარეობის რეჟიმი 16 მარტიდან მოქმედებს.

დღეის მონაცემებით სომხეთში კორონავირუსის 14 669 დადასტურებული შემთხვევაა დაფიქსირებული, გამოჯანმრთელებულია 5 466, ხოლო გარდაცვლილია 245 ადამიანი.

[რიმა სარუხანიან, ახალციხე]